Erindring er tittelen på eit kunstnarleg utviklingsarbeid ved NLA Høgskolen (2018-2021). Arbeidet utforskar i kva grad ein biletskapande prosess kan være med å utvikle motiv av erindring frå eigen barndom Metoden er tredelt og vekslar mellom imitasjon, indre bilete og materiale. Prosjektet har gått føre seg over ein treårsperiode der 14 ferdige maleri er stilt ut for publikum, i tillegg til ei prosessuell utstilling av funna midtvegs. Teknikken er sjølvprodusert eggetempera tilverka på lin-lerret i ca 1m2 storleik.  I skrivande stund heldt eg på å utarbeide ein artikkel der prosessen og funna m.a. blir drøfta ut frå estetisk teori om erindring og skapande prosessar. Empiri (praktisk materiale) består av eigne loggboknotatar, skisser, foto og videoar frå prosessen og ferdige maleri.  

 

Under ser du digitale presentasjonar av stillbilete og videoar frå ulike maleprosessar. Her kan du sjå ei digital forteljing om praktisk og teoretiske utforsking undervegs. Eigen barndom er også motivet for den digitale forteljinga «Lappen» (2007).